FITRA / SADQA-E-FITR Ke bare me zaruri malumaat

*1. SADQA-E-FITR / ZAKAAT AL FITR KYA HAI?*

Sadaqa-e-Fitr Ya Zakaat Al Fitr, Jise Hum Aam Taur Par ‘Fitra’ Ke Naam Se Jaante Hai, Yeh Ek Aisa Sadaqa Hai Jo Aap Ke Tamaam Rozo Ko Paak Karta Hai. Yeh Ek Khane Pine Ki Cheezo Ki Shakal Me Diya Jaata Hai Un Logo Ko Jo Faqeer Ya Misqeen (Zaroorat mand) Hai.

*2. KYU DENA HAI?*

Ibn Abbas (ra) Farmate Hai Ke: “Rasool Allah sallallaahu alayhi wa sallam Ne Rozdaro Ko Lagu Aur Behuda Baaton Se Paak Karne Ke Liye Aur Miskeen Ko Khilane Ke Liye Sadqa-e-Fitr Mukarrar Farmaya. Lehaza Jo Namaz-e-Eid Se Pehle Ada Kare Uska Sadqa Maqbool Hua, Aur Jo Namaz Baad Ada Kare To Aam Sadqe Mein Se Ek Sadqa Hai"

[📖 Ibn Majah, Hadith No. 1827]

a). Sadqa-e-Fitr Is Liye Diya Jata Hai Ke Jo Galtiya Humne Roze Ki Haalat Me Ki Thi, Jaise, Lagu Aur Behuda Baate, Joothi Baatein, To Yeh Sadqa In Cheezo Se Hume Paak Kar Deta Hai.

b). Yeh Isliye Bhi Diya Jaata Hai Ke Jo Bahut Gareeb Musalman Hai, Unhe Eid ul Fitr Ke Din Khane Ko Kuch Mile.

*3. KAUN DEGA?*

👉 �Yeh Har Musalman Par Farz Hai, Mard, Aurat, Ladka, Ladki, chote Bacche, Buzurg, Azad Ho Ya Ghulam Ho, Sab Par Farz Hai

"Rasool Allah sallallaahu alayhi wa sallam Ne Fitre Ki Zakaat (Sadqa-e-Fitr) Ek Saa (2.5 KG)’ Khajoor, Ek Saa (2.5)’ Jaw Farz Karaar Di Thi. Ghulam, Azad, Mard, Aurat, Chote bache Aur Badhe, Tamaam Musalmano Par. Aap sallallaahu alayhi wa sallam Ka Hukm Yeh Tha Ke Namaz (Namaz-e-Eid) Ke Liye Jane Se Pehle Yeh Sadqa Ada Kar Diya Jaye."

[📖 Bukhari Shareef, Hadith No. 1503]

Note: Fitra eid se ek, do pehle bhi de sakte hai,
Fitra Chaand raat se eid ki namaz se pehle ada kare (ek hi raat me ada karna afzal hai)

"Rasool Allah sallallaahu alayhi wa sallam Ne Yeh Bhi Farmaya Ke “Zakaat-ul-Fitr Un Logo Ke Liye Bhi Ada Ki Jaaye Jo Aap Ki Nigrani Me Hai, Jawan Ya Bujurg, Ghulam Ya Azaad.”

[📖 Bayhaqi, Hadith No. 7683]

*NOTE:*Zakaat-ul-Fitr Har Musalaman Par Farz Hai Siway Unke Jo Bahut Hi Jyada Gareeb Hai Aur Zakaat-ul-Fitr Dene Ki Istataat Nahi Rakhte Hai. Bahut Sare Musalmano Ko Yeh Ghalat Fehmi Hai Ke Zakaat al Fitr Unhi Logo Par Farz Hai Jo Zakaat Nikalte Hai.

*4. KISE DENA HAI?*

“Rasool Allah sallallaahu alayhi wa sallam Ne Rozdaro Ko Lagu Aur Behuda Baaton Se Paak Karne Ke Liye Aur Miskeen Ko Khilane Ke Liye Sadqa-e-Fitr Mukarrar Farmaya"

[📖 Ibn Majah, Hadith No. 1827]

NOTE: Sadqa-e-Fitr Sirf Faqeer/Gareeb Musalmano Ko Hi Diya Jaye.

*5. KITNA DENA HAI?*

Abu Sa`id Al-Khudri (ra) Bayaan Karte Hai Ke, Hum Nabi-e-Kareem sallallaahu alayhi wa sallam Ke Zamaane Mein Eid-ul-Fitr Ke Din Ek Saa (2.5 Kg)’ Khane Ki Cheez (Sadaqat-ul-Fitr Ke Taur Par Nikalte The Gareebo Ke Liye). Humara Khana (Un Dino), Jaw, Kishmish, Paneer Aur Khajoor Tha.

[📖 Bukhari, Hadith 1510]

👉�Ek Saa’ Takreeban 2.5 Kilo Hota Hai.

*6. KAB DENA HAI?*

1. Sadqa-e-Fitr Eid Ke Din, Eid Ki Namaz Ada Karne Se Pehle Dena Mustahab Hai.

"Nabi-e-Kareem sallallaahu alayhi wa sallam Ne Sadqa-e-Fitr Namaz (Namaz-e-Eid) Ke Liye Jaane Se Pehle Pehle Nikalne Ka Hukm Diya Tha."

[📖 Bukhari, Hadith 1509]

2. Eid Ke Ek Ya Do Din Pehle Bhi Diya Ja Sakta Hai

"Nafi`Ne Bayan Kiya Ke: Log Sadaqat-ul-Fitr, (Eid Ke) Ek Ya Do Din Pehle Bhi De Diya Karte The."

[📖 Bukhari, Hadith 1511]

"Rasool Allah sallallaahu alayhi wa sallam Ne Farmaya:
“Agar Koi Eid Ki Namaz Se Pehle Ada Kar De To Woh Zakaat Ke Taur Par Qubool Hogi. Agar Koi Eid Ki Namaz Ke Baad Ada Kare To Woh Aam Sadqo Ki Tarah Shumar Hoga.”

[📖 Abu Dawood, Hadith No.1609]

*7. KYA KHANE KI CHEEZ KE BAJAYE PAISA DE SAKTE HAI?*

Zakaat-ul-Fitr Me Sirf Khaane Ki Cheez Hi Dena behtar Hai Aur Yeh Hadees Mein Saaf Taur Par Aya Hai.

Paise k sakal me majboori ki halat me de saktey hai ulama ne farmaya.

☝ALLAH HU ALAM☝