Deen Me Har Biddat Gumraahi Hai:

Mahfum-e-Hadees: Allah Ke Rasool (Sallallahu Alaihay Wasallam) Apney Khutbe Me Farmaya Karte They –
“Fa-Inna Khairal Hadeesi Kitabullahi
Wa Khairal Hadyi-Hadyu Muhammadin (Sallallahu Alaihay Wasallam)
Wa-Shar-Ral Umoori Muh-Dasaa-Tuha
Wa-Kul-La-Muh-Da-Satin Bid-Atun
Wa-Kul-Lu Bid-Atun Zala-La-Tun
Wa-Kul-Lu Zala-La-Tin Fin-Naar”

• Tarjuma:
Sab Se Behtareen Baat Allah Ki Kitaab Ki Baat Hai,
Sab Se Behtareem Tareeka, Tareeka-e-Muhammad (Sallallahu Alaihay Wasallam) Ka Hai,
Aur Deen Me Badtareen Kaam Ijad Karda Cheeze Hai,
Aur Har Ijad Kardi Cheeze Biddat Hai,
Aur Har Biddat Gumraahi Hai,
Aur Har Gumraahi Ka Thikana Jahannum Ki Aag Hai.
– (Nisai, Abu Dawood)
– (Sunan Ibn Majah, Vol 1, Hadees no.45)

# Wajahat: Iss AaHadees-e-Mubarak Se Yeh Baat Wajeh Hoti Hai Ke, Aap (Sallallahu Alaihay Wasallam) Ne Biddato Ke Kisi Bhi Aksam Ka Zikr Nahi Kiya, Ke Falah Falal “Biddate Hasna” Aur Falah Falah “Biddate Sayya” Hai..
Balki Aap (Sallallahu Alaihay Wasallam) Apne Tamam Khutbe Me Yahi Farmaya Karte Ke “Wa-Kul-Lu Bid-Atun Zala-La” Yaani (Deen me) Har Biddat Gumraahi Hai..

Afosos Ki Baat Hai Ke –
Aaj Hum Mohabbate Rasool Ka Dawa Karte Hai Magar Humarey Tamam Aamal Rasool’Allah(Sallallahu Alaihay Wasallam) Ki Wasiyat Ke Barkhilaf Hotey Hai ,..
– Aur La-ilmi Wa Jahalat Me Humne Aisi Aisi Biddate Izad Kar di Ke Jo Rasool’Allah(Sallallahu Alaihay Wasallam) Ki Sunnat Ki Mukhalifat Karti Hai …
– Aur Fir Hum Jannat Ke Mustahik Hone Ka Dawa Karte Hai .. MashaAllah !!!

Aakhir me Allah Rabbul Izzat se Dua hai ke –
Allah Hum Sabko Hidayat Dey ,..
# Humey Haq Sun’ne Samjhne Aur Uss Par Amal Ki Taufiq Ata Farmaye ,..
# Tamam Kism Ki Gumrahi Se Hum Sabke Iman Ki Hifzat Farmaye ,..
# Jab Tak Hume Zinda Rakhey Islam Aur Imaan Par Zinda Rakhey…
# Khatma Humara Imaan Par Ho …
!!! Wa Akhiru Dawana

Anilhamdulillahe Rabbil A’lameen !!