🔮Kehdo kay aey mere eman wale bando! Apne rab se darte raho jo iss duniya mein neki kerte hain unn ke liye nek badla hai aur Allah Taalaa ki zamin boht kushadah hai *sabar kerne walon hi ko unn ka poora poora be-shumaar ajar diya jata hai.*
📚Surah Zumar Ayath No. 10
🔮Aur inhe inke sabar ke badle *jannat aur reshmi libass ata farmaye*
📚Surah Dhahar Ayath No. 12
🔮Aur boht se nabiyon ke sath Allah walo ki ek badi taadaad ne jihad kiya to Allah ki raah me inko jo taklif pahunchi iski wajah se haar na maanli aur naa kamzor pade, aur naa dushman se dabgaye, aur *Allah sabar kerne walon ko (hi) pasand karta hai.*
📚Surah Ale-Imran Ayath No. 146
🔮Aey eman walo! Sabar aur namaz kay zariye madad chahao *Allah Tala sabar kerne walon ka sath deta hai.*
📚Surah Baqara Ayath No. 153
🔮Sari achaee mashriq-o-maghrib ki taraf moo kerney mein hi nahi bulkay acha woh shaks hai jo Allah Taalaa per, qayamat kay din per aur farishton per, kitab ullah per aur, nabiyon per eman rakhney wala ho jo maal say mohabbat kerney kay bawajood qarabat daron yateemon miskeenon musafiron aur sawal kerney walon ko dey ghulamon ko aazad keray namaz ki pabandi aur zakat ki adaeegi keray jab wada keray tab ussay poora keray tangdast dukh dard aur laraee kay waqt *sabar kere yehi sachay log hain aur yehi perhezgar hain.*
📚Surah Baqara Ayath No. 177
No comments:
Post a Comment