Log kahte hai Nabi SAW ke wafaat ke 200 saal baad Imam Bukhari hi hai jo pahli HADEES ki KITAB likhi

Jawab :

Aksar Musalman kahte hai ke Quran ki tarah HADEES par etbaar nahi kiya jaa sakta kyunke Hadeese to Nabi (s) ki wafaat ke baad 200 Hijri me (yaani 200 saal baad) Imam Bukhari (r) ne pahli baar likhi.  

Gaur karne ki baat hai ke Nabi SallallahuAlaihiWaSallam ki wafaat ke baad WAHEE ka silsila ruk gaya aur Nabi s ke Hayat me hi Deen Mukammal ho gaya. Ab Imam Bukhari 200 Hijri ke baad kaha se NAYI HADEESE Nabi ke naam par likhenge. Unone to pahle se jo HADEESE maujud thi usko hi apne KITAB me jama karne ka kaam kiya. 

Pahli baat aise logo ko HADEES kise kahte pata nahi. Unko lagta hai ke HADEES yani IMAMO ki lihki hui apni baatein.   

Unko pata nahi ke Nabi SallallahuAlaihiWaSallam ke …

1. AMAL

2. HUKM

3. Kisi kaam par apki KHAMUSHI

4. Apki sirat aur Akhlaq

Ko HADEES kahte hai.   

HADEESE 200 saalo baad likhi gayi yah ek galat fahemi aur ilm-e-Hadees se duri hai.

Logo ne to Sher- Shayari, Kisse-Kahaniya aur Apne Imamo aur apne Jamat ke Buzrugon ke baato ko hi DEEN samaj rakha hai. Is baad ko phailane wale kam ilm wale aur mafaad parast, firqa parast log apne aapko aalim mufti kehkar  logo ko gumraah karte hai. In  Ulma ka maqsad apne Imamo ke FIQH ki ehmiyat ko badhana aur Muhaddisin ke khidmaat ko niche dikhana hai.

Aaj ham iss post me sabit kar denge ke Imam Bukhari ke daur se pahle Nabi SallallahuAlaihiWaSallam ke zamane se hi HADEESO ko yaad aur likha jata tha.   

Yeh baat sach hai ke Islam ke shuru shuru ke daur me jab sahaba ke liye Islam naya tha us waqt Nabi sws ne Hadeeso ko likhne se mana kiya tha isliye ke Nabi sws ko dar tha ke Sabaha Quran aur Hadees me fark nahi kar payenge. Lekin baad me jab SAHABA DEEN me pukhta hogaye to Nabi s ne Sahaba ko Hadeese likhne ka hukm diya.

Daleel :  

1. Abdullah bin Amr (R) farmate hai ke mai Rasoolullah SallallahuAlaihiWaSallam ki har baat likha karta tha lekin Quraish ke kuchh logo ne har baat likhne se mana kiya aur unone kaha ke Rasoolullah s BASHAR (INSAAN) hai kabhi Khushi me hote hai aur kabhi gam me isliye unki har baat mat likha kar isliye mai Hadeese likhne se ruk gaya. Abdullah bin Amr kahte hai ke maine Nabi SallallahuAlaihiWaSallam se zikar kiya ke Quraish ke kuchh log apke bareme aisa farma rahe the aur mai apki Hadeese likhne se ruk gaya hu. Allah ke Nabi SallallahuAlaihiWaSallam ne apne muh ki taraf ishara karte huye kaha : tu meri Hadeese likh, us zaat ki kasam jiske hath me meri jaan hai, mere muh se sirf Haqq ke siway kuchh nahi nikalta chahe mai khushi me rahu ya gam me.

(Musnad e Ahmed, Abu Dawood, Hakim)

Allah Farmata hai :

Aur wah (Muhammad) to apni nafsiyaani khawish (mann) se kuchh nahi kahte. Ye to bas WAHEE (paigam) jo unpar NAZIL kiya jata hai.
(Surah Najam ayat 3-4)     

2. Abu Huraira (R) farmate hai ke jab Makkah fateh huwa, Rasoolullah SallallahuAlaihiWaSallam khade huye aur ek Khutba (speech) diya. Yaman ka ek shakhs khada huwa jiska naam Abu Shah tha aur kahene laga Ya Rasoolullah abhi apne jo Khutba diya hai wo muze zara likha kar dijiye. Rasoolullah ne kaha Abu Shah ko mera Khutba likh kar dedo.

(Sahih Bukhari wa Muslim)   

3. Taabai Basheer bin Nahiq(R) kahte hai ke mai sahabi Abu Huraira (R) ke paas 1 kitab lekar ayaa aur maine unse kaha “Ye Hadeese hai”. kya mai apke sanad se ine riwayat kar karu..??? Abu Huraira (R) ke kaha : Haan. Aap riwayat kar sakte.  

(Sahih Sunan Tirmizi)  

4. Taabai HADEESO ke sath sath Sahaba ke aqwaal jise “Athar” kahte hai use bhi likh kar rakhte the… Imam Az-Zuhari (jo 1 taabai the) ke bareme Imam Saleh ibn Qaisaan (R) kahte hai ke ham dono mile aur dono bhi ilm hasil karne me the. Dono ne kaha ham dost dost hai. Chalo Nabi SallallahuAlaihiWaSallam ki SUNAN (Sunnat ki jama  ko Sunan kahte hai) likhenge. Hamko jo bhi Hassese yaadi thi ham ne likhi. Imam Zuhari ne kaha chalo Nabi SallallahuAlaihiWaSallam ke sahaba e baatein bhi likh kar rakhte hai kyunke wo bhi SUNNAT hai. Maine (yaani Imam Saleh) ne kaha Sahaba ki baatein SUNNAT nahi hai isliye ham unko nahi likhenge lekin Imam Zuhari ne unko likha aur kamiyab ho agye aur maine un akwaal na likh kar barbaad kar diya .Baad me pata chala ke Sabaha ke aqwaal (Athar) bhi kitne zaruri hai DEEN ko samajne ke liye.

(Ise Imam Abdur Barr (R) apne Jame me bayan kiya hai)  

5. Pyare Nabi SallallahuAlaihiWaSallam ke wafaat ke baad Islam ki dawat ko phailane wale aur “Quran wa Hadees” ki HIFAZAT karne wale Sahaba R hi to the. Agar unone Hadeeso ki HIFAZAT nahi ki aisa kahena un par ilzaam hai. 

6. Ham sab jante hai NABI SallallahuAlaihiWaSallam ke Hayat me aaj QURAN jo “printed KITAB” ki shakl me hai waisa nahi tha. Quran ko baad me Khulfa-e-Rashiddin ke zamane me ikattha kiya gaya. Sahaba R Quran ki ayatein patto par ya HADDIYO par likh kar rakha karte the. Yeh mamla HADEESO ke sath bhi tha.

7. NABI SallallahuAlaihiWaSallam ke zamane QURAN wa HADEES sahaba ke sino me yaad tha. Us zamane me log kam likha kar the aur zyada yaad kiya karte the.  

8. Pyare Nabi SallallahuAlaihiWaSallam ke hayat me bhi aur apke wafaat ke baad bhi Nabi s ki har SUNNAT Sahaba ke amali zindagi me maujud thi.   

9. Agar Sahaba R HADEES ki HIFAZAT na kiye hote to har HADEES ke SANAD me sahaba R ka naam nahi ayaa hota. Us HADEES ko SAHIH HADEES nahi mana jata jis HADEES ki SANAD me koi Sahabi na ho.  

10. Aisi koi HADEES maujud hai jiski SANAD me koi SAHABI raawi na rahe ho…???   

11. Abu Huraira (R) se 5000 se zyada HADEESE riwayat hui hai.   

12. Ummul Mumeenin Ayesha (R) se 1200 se zyada HADEESE riwayat hui hai.  

13. Aur sahaba jaise Abdullah bin Masood, Abdullah bin Abbas, Abdullah bin Umar, Huzaifa (R) se sekado HADEESE riwayat hui hai.  

14. Sahaba R ke baad ke daur me Imam Mubarak, Imam Zuhari, Imam Muhammad ibn Shirin, Imam Malik, Imam Shafi, Imam Ali ibn Madini, Imam Ahmed Hanbal, Imam Bukhari, Imam Muslim, Imam Abu Dawood, Imam Tirmizi, Imam Nasai, Imam ibn Maaja, Imam Darimi aur anginat Muhaddisin ne HADEES ki hifazat ke liye kaam kiya.   

15. Imam Malik bin Anas (R) ki HADEES ki KITAB “MUWATTA MALIKI” jisko Imam Shafi (R) apne bachpan me hi yaad kiya tha aur Imam MALIK (R) ko MAKKAH se MADINA akar sunaya tha jo aaj bhi Maujud hai.  

16. Imam Ahmad Hanbal (R) ki “Musnad-e-Ahmad” jo aaj bhi Maujud hai.  

17. Is jadid zamane me bhi Nasiruddin Al Albani (R) (jinki wafaat san 1999 me hui) ne Sunan Abu DAWOOD, Sunan TIRMIZI, Sunan IBN MAJAH aur Sunan NASAI me jo ZAEEF HADEES maujud thi unko “ASMA AL-RIJAAL” ke ilm ke buniyad par unko in kitabo me se alag karke maslan SAHIH ABU DAWOOD aur ZAEEF ABU DAWOOD alag alag kitabein banai taake aam Musalman sirf SAHIH HADEESO par amal kare aur ZEEF HADEESO se bache.   

18. Jitni mehnat ki Quran HIFAZAT me hui utni hi mehnat HADEES ki HIFAZAT me bhi hui lekin dono ke hifazat ka tarikha alag alag raha.   

19. Agar HADEES ki HIFAZAT na ki jaati to QURAN ke sirf LAFZ bach jaate lekin QURAN ka NABAWI MAFHUM (FAHEM) baki na rahta isliye Quran ki HIFAZAT ke liye HADEES ki HIFAZAT bahot zaruri hai kyunke HADEES to QURAN ki TASHRI (Khulasa) hai.


Quran me pahle nazil ayat iqrabismi. .... padho. ... yahan padhne ko kaha gaya hai. Ilm ko qalm se bandh karna hai..Kuch log puchte hain hadees to baad me likhi gayi hai. Imam to pahle aye. Lekin unko ye pata nahi pahli fiqa 400 saal bad likhi gayi. Imam sahab aur shagirdo me Kayi baton me ikhtelaaf tha. Likhi gayi fiqa ki kitabon ki  sanad imam sahab se nahi milti aur na ki imam sahab ki koi likhi huyi hadees ki kitab hai.  Sare aima unki baton pe blindly follow hone se mana kiya balke sahi hadeeson se janch ne ko kaha. Kaha.....Iza sahhal haddesi fahuwa mazhabi. .sahih hadees hi hamara mazhab hai...... Aaj ummati is baat ko choda aur unke naam per firqa bana baithe.

Huzur ka laya huwa deen imamon me bat gaya.  Mukammil deen kisi khudsakhta imam ke paas nahi. Lekin arsh wale ne madina wale ko imam banaya aur wahi bhejta raha. Imam masum hota hai. Wahi muhammad sallallahu alihiwasallam imame azam Imamul ambiya hain. Inki itteba ka hukum mila hai.

Rasulullah ki peshangoyi yeh hai ki log buzrugon ki ulema ki. Khud banaye huye imamon ki baaton ki taraf bulaayenge aur quran aur hadees chod ker unki baton per amal karenge. Aur aameen zor se bolne walon se hasad rakhenge. .yeh log meri ummat ke yahoodi hai...

An abu hurairah r.a. qaala qaala rasoollullah sallallaho alaihi wasallam sayakoonu fi ummati rijaalun  yad’oonan naas. ala aqwaali imaami him wa ruhabanahum wa-ya-maloona biha wa-yah-sadoona ala al-tameeni khalful imaam ala anhum yahood haaza al amah salsa “

Trans: Haz. Abu hurairah ra. riwayat karte hain kaha Rasoollullah sallallaho alaihi wasallam ne farmaya:-” meri ummat me anqareeb aise log paida honge jo logon ko apne imamon aur buzurgon ke aqwaal ki taraf bulaayenge aur in par (hadith chhodkar) amal karenge, aur (sunnat par amal karne waale) musalmano se imam ke peeche (zahar se) aameen kahne par dushmani karenge, (suno) ! Woh is ummat ke YAHUDI hain, wah is ummat ke YAHUDI hain, woh is ummat ke YAHUDI hain , aap Rasoollullah sallallaho alaihi wasallam ne yah jumla teen baar kaha........

Aur pyare Nabi jis cheez se mana kiya.. Wahi kar rahain hai.

Imamon ki taqlid ka tasvvur Shia logone rayaj kiya aur sunniyo ne bhi ise apnaya. Ye taqlid khuran aur nabi ke farman se sabit nahi.

Pyare rasoolullah khud apne aap ko imam kahte hain sahi muslim shareef ki hadees hai...

Allahuta'la sure ambiya me farmate hai. Hum ne rasoolon ko imam banaya tha. Woh hamare hukum se hidayat karte the. Aur new kaam karne ki wahi ki thi.
Pata chala 1. deen ke imam ka appointment Allaah karte hai. 2. Imam ke paas wahiye elahi aati hai. 3. Imam masoom hota hai. 4. Imam apni marine se kuch nahi bolta.5. Sahabe shariat hota hai...
Maalum huwa imame aazam. Imamulanbiya. Qaede azam muhammad ur rasoolullah sallallahu alihiwasallam. Rasoolullah ke siva kisi ko imam bana liya to woh shirk fil Imamat hai.  Shirk bahut bada gunah hai.

Hum kahte hai sab milke ek jaisa amal kare. India walo jaisa ho ya Indonesia walo jaisa ho ya saudi walo jaisa ho. Lekin 4 tariko per nahi. Ummat me ittehad nahi hoga. Nabi ek. Allah ek . ka'aba ek. Tarike 4 kyon... unity is with one way. Wahi Ehdinassiratal mustaqeem... seedha raasta

Allah ki zaat.sifat. Ibadat me kisi ko shareek nahi karna. Aur rasoolullah ki risalat. Imamat. Khatme nabuvvat me kisi ko shareek nahi karna. Rasoolullah ki baat ke mukhabale yani sahi hadees ke mukhable. kisiki baat bhi nahi manna.

Shia ke hisab se sunni firka, sunni ke hisab se shiya firka, barelvi ke hisab se deobandi, tabligi aur ahle hadees firke, deobandi ke hisab se barelvi aur ahle hadees firke,  ahle hadis ke hisab se hanfi, shafai, malaki hambaki, deobandi, tabligi aur barelvi firke, dawate islami ke hisab se koi aur etc etc firke, kadiyani firka, bhauri firka etc etc firka......  har koi ekdusre ko firka bolta aur har koi khud ko is term se bachane ki koshish karta....... 

To ek common musalman ke hisab se 72/73 firke kaun hai?  unhe kaise pahchana jaye. Ek aasan tarika hai. Jo Quran aur sahi hadees sunte hi qubool karta hai woh jamat hai fiqa nahi.

Yahood wa nasara taqleed ki wajah se hi 71 aur 72 firqon me bat gaye. Hadees me hai meri ummat 73 Firqo me bat jayegi. Sab ke sab dozaq me jayenge siway ek.  Woh jo aaj ke din mai mere sahaba jis raaste per amal pera hai. Yeh nahi kaha baad me 4 imam ayenge unke tariqe per blindly chalo. Jo Imam Abuhaneefa rah.  ki taqleed yani blind follow nahi karta  use gairmukhallid. Lamazhab. Yahantak dozakhi kaha...... Acha yeh batao sahaba kisiki taqleed nahi kiya to Yeh dozakhi hai. Huzur farmaya mai aur mere sahaba aaj ke din jo amal karte hai waisa karne wala Jannati kaha na ke baad ke din 4 imam ayenge us tariqe per chalo nahi kaha. Deen mukammil kardiya gaya aur Sahaba is deen ko safe kar ke rakha. Ise sahi aqeeda kahte hai......

Deene islam me bigad in logon se jyada huwa hai:
1. Sufiyon se
2. Baydeen badesha se
3. Ulemae se

Islam deen hai... mazhab nahi.
Is Deene islam me firqe hone ki wajah
1. Nafs parasti
2. Tagoot parasti
3. Khabar parasti
4. Baap dada ki parasti
5. Buzrug parasti
6. Imam parasti