TAZIYADARI AUR MATAM ISLAM ME HAI YA NAHI ?

Hazrat Husain (raziallah anhu) ki shahadat ki munasibat se, musalmaano ki ek jamaat 10 muharram ke din tazia banati hai, aur matam karti hai, kya ye islamic ahkam ke mutabiq hai to karna jayez hai, or agar usse hat kar hai, to aisa karna, band karna chahiye,

1 Rasulullah Sallallahu Allaihi wa sallam ke chacha, Hazrat Hamza RaziAllah anhu ki shahadat ka waqiya intehayi dard naak hai, jinhe ghazb-e-ohad me hind ne apne gulam se shaheed karwaya tha, or khud usne hamza raziallah anhu ka seena cheer kar kaleja ( liver) chabaya, or unka kaan (ear) kaat kar gale ka haar banaya tha, Rasulullah Sallallahu Allaihi Wa Sallam ko us sadme se kafi takleef huyi, chunanche, fatah-makkah ke mauqe par, phir jab hind islam qubool karne ke liye aap ke samne aayi, to aap ne apna muh pher liya, or aap ki aakhon me aansu aagaye…..
Is manzar ko apne samne rakhte hai, or phr seerat ko dekhte hai, kya Aap Sallallahu Allaihi Wa Sallam ya sahaba ne hazrat hamza raziallah anhu ya kisi or ki shahadat ki munasibat se, TAZIYA BANAYA HAI ???

2 Aap Sallallahu Allaihi wa sallam ke damad Usman bin affan raziallah anhu ko sipahiyo ne kitne dard naak andaaz me shaheed kiya, sahaba ne us gham ki taziyadari ki ??? hargiz nai 

3 Jis waqt Hazrat Hussain Raziallah anhu ko shaheed kiya gaya, us waqt bohat sare jalil ul qadar sahaba, ahel-e-bait, chand aswajh mohtarat, or hazrath husain ke ahel-o-aya ba hayaat the,
kya kisi ne bhi , matam kiya ya taziya banaya ?????
jab ke wo humse zada deen ko samajne wale the...... 

4 taziya banakar phir use pani k nazar karne me, bohat sa maal zaya hota hai, jisse islam or musalmaano ka koi faida nahi hota, ye fuzul kharchi or shaitani tarikha hai, or Allah Subhanu farmata hai,

إِنَّ الْمُبَذِّرِينَ كَانُوٓا إِخْوٰنَ الشَّيٰطِينِ ۖ وَكَانَ الشَّيْطٰنُ لِرَبِّهِۦ كَفُورًا
Indeed, the wasteful are brothers of the devils, and ever has Satan been to his Lord ungrateful.

"beshak fuzul karchi karne wale shaitan k bhai hai"

Surah Isra Surah 17 Ayat  27

5 Phir taziya ke saath mardon or aurato ki be-pardagi or be hayai aam hoti hai, jo kabeera gunaah hai, or islam ne be-pardagii ko sakhti se mana farmaya hai,

6 Aur taziya k under hazrath husain raziallah anhu ki farzi kabar bani hoti hai, uske uppar chadar, phool, wagera sajaye jate hai, jab k ye kaam shirk me se hai, or aAllah k Rasul Sallallahu Allaihi Wa Sallam   ne apni kabar ko mela banane se mana farmaya hai,

"Aye allah tu meri kabar ko ibadat ghar na banana k log uspar mannate mange mithai chadaye phool chadaye, jaisa k booton k samne karte hai'

          ( ABU DAWOOD)
  Note
gaur karen jab isse NABI SALLALLAHU ALLAIHI WA SALLAM mana farma rahe hai to ye dusron k liye kaise jayez hoga ??????

7 Imaam husain ki shahadat or phir gham karte huwe, baaz log seene par chote marte hai, ye bhi islam me haraam hai, kyunki islam jism wa jaan ki hifazat karne ko kehta hai, 

allah farmate hai :
"Aur apne aap ko qatl na karo allah tumpar reham karne wala hai"

Surah Nisa Surah 4 Ayat 29

Aur farmaya : "Aur apne aap par zulum na karo"

Surah Baqarah s. 2 ayat 195

isse ye sabit hota hai k ye sab amal islamic talimaat ke khilaf jaate hai, ye sab karna quran wa hadees ya kisi sahaba se sabit nahi hai, ye biddat hai,
Aur Nabi Sallallahu allaihi wa sallam farmate hai, jisne humare deen ke under koi aisi chiz izaad ki, jo deen me se nahi hai, to wo mardood hai.(Bukhari) 

or ek riwayat me hai, jisne koi aisa amal kiya, jispar humare ehkam nahi, to wo mardood hai (Muslim)

 

ALLAH HUM SAB KO DEEN-E-HAQ SAMAJ KAR USPAR AMAL KARNE KI TAUFEEQ DE.... . AMEEN YA RABBUL ALAMEEEN